"Цэцээ Гүн" Менежментийн Дээд Сургуулийн үүсгэн байгуулагдсаны 20 жилийн ойн баярын арга хэмжээ зохион байгуулалтын өндөр түвшинд явагдаж өндөрлөлөө. Тус сургуулийн үүсгэн байгуулагчид, үе үеийн удирдлага, багш, төгсөгч оюутнууд хуран цугларч, сургуулийн өнгөрсөн ба одоогийн ололт амжилтыг дүгнэн хэлэлцэж, сургуулийн ирээдүйн өргөжин тэлэх хэтийн төлөвийг тодорхойлсон бүтээлч уур амьсгалын дунд болж өнгөрлөө.
Уг арга хэмжээний үеэр баярын хурал, концерт, хүндэтгэлийн хүлээн авалт болж, ажил, сурлагадаа амжилт гаргасан зарим багш, төгсөгч, оюутнуудыг шагнаж урамшуулсан юм. Үүнд: Засгийн газрын шагнал Монгол улсын "Боловсролын тэргүүний ажилтан тэмдэг"-ээр сургалтын албаны дарга, докторант Ч.Батжаргал, Эрхзүйн багш, докторант Б.Бат-Ерөөлт, Компьютерийн багш, магистр В.Эрдэнэбат нар, Монгол улсын "Нягтлан бодох бүртгэлийн тэргүүний ажилтан тэмдэг"-ээр Бизнесийн удирдлагын тэнхимийн эрхлэгч, докторант Н.Батцэцэг, БСШУСЯ-ны "Жуух бичиг"-ээр Төрийн захиргааны удирдлагын тэнхимийн эрхлэгч, докторант Б.Мөнхбат, Маркетингийн удирдлагын багш, докторант Г.Олзбаяр, Хүний нөөцийн удирдлагын багш, магистр Т.Мөнхтуяа, Англи хэлний багш, магистр Б.Нарангэрэл нар, Сангийн яамны "Жуух бичиг"-ээр Санхүүгийн албаны дарга, магистр Д.Мэндсайхан, Санхүүгийн удирдлагын багш, магистр Г.Өлзийбаяр нар, Монголын Залуучуудын холбооны шагнал "Хөдөлмөрийн алдар" алтан медалиар номын санч Ч.Түмэнжаргал, аж ахуйн албаны ажилтан Н.Дорж, Хүний нөөцийн удирдлагын багш, магистр Э.Энх-Амар, 2008 оны төгсөгч Г.Солонго нар, "Тэргүүний залуу" алтан медалиар Сургалтын туслах ажилтан Ц.Цэндхүү, 2011 оны төгсөгч Г.Өлзийбат нар, "Эр зориг" алтан медалиар 2014 оны төгсөгч н.Адъяахүү, 2017 оны төгсөгч н.Үл-Олдох нар тус, тус шагнагдсан байна.
